This podcast by Wafaa Al-kudimi discusses the importance of breaking the daily routine to maintain health 

بيقول الأديب والكاتب المسرحي الفرنسي الكبير ألبيرت كامو “إنَّ الرعب الحقيقي في الوجود ليس الخوف من الموت, إنه الخوف من الحياة. الخوف من أن لايتغير أي شيء…داخل هذا الخوف تنشأ رغبة, رغبة في أي شيء, أي شيء يكسر الرتابة”.

الرتابة أو المداومة على الروتين اليومي ممكن تأثر على صحتنا النفسية والصحة بشكل عام, لهيك نحنا بحاجة كسر الروتين. تفاصيل أكتر أكيد بحلقة اليوم 🙂

 

This podcast by Wafaa Al-kudimi discusses a topic regarding reducing symptoms of depression through gratitude 

يمكن أغلبنا بحياته اليومية وصعوباتها ممكن يركز عالشغلات يلي ناقصته أكتر من النعم المحاط فيها. وممكن كتير نفكر بالخوف من المستقبل والشغلات المحبطة, ومننسى نستمتع باللحظة الحالية, ونمتن لكل شي حلو بحياتنا. لكن الدراسات لقت أنه الامتنان مو بس من الأخلاق الحميدة, إلا أنه عادة صحية غنية بالفوائد على صحتنا العقلية والجسدية. تفاصيل أكتر بحلقة اليوم 🙂

 

This podcast by Wafaa Al-kudimi discusses the importance of positive affirmations on health and confidence 

“I want to thank me for believing in me. I want to thank me for doing all this hard work. I want to thank me for having no days off.” بتتذكروا مين حكى هالكلام؟ أكيد الرابر الأمريكي سنوب دوج.

أديه فعلياً نحنا بحاجة نشكر أنفسنا على أي شي منحققه, مهما بدا بسيط. أديه ممكن يكون تأثير التوكيدات الإيجابية يلي منعطيها لحالنا علينا؟ وشو هي التوكيدات الإيجابية؟ تفاصيل أكتر أكيد بحلقة اليوم يلي بتمنى أنه تنال إعجابكن 🙂

 

“It’s better to light a candle than to curse the darkness” 

This podcast by Wafaa Al-kudimi discusses how to adapt to difficult and harsh circumstances and turn them into creativity

“أن تشعل شمعة خيراً من أن تلعن الظلام” يمكن بظروف صعبة ومعقدة بتمر بحياتنا, منتعرض لليأس ولخيبة الأمل وممكن ببعض الأوقات نسب أو نلعن حظنا. مع أنه في شغلات ممكن تكون قدرية وانكتبت علينا, فبدل ما نبقى مستسلمين, الأفضل أنه نحول ظرفنا الصعب لإبداع بنظرة تفاؤلية وإيجابية نوعاً ما للحياة لأنه مارح نقدر نغير قدر ممكن يكون وقع علينا. ومنلاحظ أنه أغلب العباقرة والمبدعين مشيوا ومروا بكتير ظروف صعبة بس رفضوا الاستسلام متل الأديب الكبير طه حسين. تفاصيل أكتر بحلقة اليوم يلي بتمنى تعطيكن جرعة طاقة إيجابية 🙂

 

 

This podcast by Wafaa Al-kudimi discusses broken heart syndrome

بكتير أوقات يمكن مانقدر نتحمل صدمات عاطفية ممكن نتعرضلها, أو لاقدر الله أنه نفقد حدا غالي على قلبنا, أو حدا منحبه غدر فينا وأذانا و و و … فبهيك أوقات غلبت علينا المشاعر السلبية وزادت هرمونات التوتر والإجهاد, بيقول أي حدا فينا والله انكسر قلبي. ياترى هل فعلاً القلب ممكن ينكسر؟ بالحقيقة, نعم. في متلازمة اسمها متلازمة القلب المكسور بتصير مع بعض الأشخاص لما بيتعرضوا لصدمات انفعالية وعاطفية مفاجئة بحياتهن. تفاصيل ومعلومات أكتر أكيد بتقدروا تسمعوها معي بحلقة اليوم 🙂

 

 

This podcast by Wafaa Al-kudimi discusses the importance of practicing the acceptance and its effects on our health

برحلة حياتنا أكيد منتعرض لمواقف صعبة ويمكن مامنقدر نتهرب منها. بس الخيار الأفضل والسليم لنتغلب على هالظرف الصعب هو أنه نتقبل. التقبل أكيد مو سهل, التقبل قوة وبده صبر بس صدقوني بيريحكن كتير, وخاصة إذا آمنتوا أنه الفترة الصعبة مؤقتة ورح تآخدكن لأماكن أفضل. تفاصيل أكتر بتقدروا تسمعوها بحلقة اليوم 🙂

 

يمكن بكتير أوقات بيتساءل أحدنا أنه ياترى شو الإنجازات يلي أنا حققتها لهلأ رغم الطموحات الكبيرة الموجودة عندي والأحلام يلي كنت راسم حققها. بس بينسى كم هائل من الإنجازات يلي ممكن تبدو بسيطة, بس هيي بالحقيقة كبيرة وعديدة. “لماذا لانكتب في خانة الإنجازات كيف خبأنا مشاكلنا عن قلوب أمهاتنا وتحملنا المسؤولية وحدنا وبهدوء…” بتقدروا تسمعوا تفاصيل أكتر بحلقة اليوم 🙂

 

يمكن من الأخطاء الكبيرة يلي منرتكبها انه منتعود على وجود النعم بحياتنا بدون ما نقدرها لأنه منفكر أنه دائمة. وللأسف ببعض الأوقات ما منحس بقيمة النعمة أو الأشخاص إلا لاقدر الله لنفقدهن.

وشو بيقول جورج خباز بيقول “في أشياء وناس متل النبض مامنعرف قيمتهن إلا مايقطشوا أو يروحوا, هلأ نبض جسمنا نحنا مش حاسين فيه, بس بس ينذر بخطر منطلب عجيبة ليرجع يمشي ومامنكون فاهمين أنه هو أصلاً كان ماشي بعجيبة”. تفاصيل أكتر بتقدروا تسمعهوها معي بحلقة اليوم 🙂

 

 

This podcast by Wafaa Al-kudimi discusses how feelings are never forgotten

“المشاعر لاتنسى أبداً”. بيقولوا لما كان الأديب الكبير غابرييل ماركيز فاقد للذاكرة, جلس حده صديقه يحدثه. وعلى الرغم من نسيانه إلا أنه قله “أنا لا أعرفك, لكن أعرف أني أحبك”. دماغنا دائماً بيشيل مكان خاص بالذاكرة للناس الرائعة بحياتنا. تفاصيل أكثر بتقدروا تسمعوها معي بحلقة اليوم 🙂

 

سألوا بيتهوفن بأحد المرات عن سبب رفضه الانحناء قدام أحد العائلات المالكة, فأجاب “سيأتي ملوك كثر, لكن هناك بيتهوفن واحد”. لحتى الناس تقدر تعرف قيمتك الحقيقية, لازم أنت بالبداية تآمن بذاتك وبقيمتك من جواتك. تفاصيل أكتر بحلقة اليوم 🙂

 

This podcast by Wafaa Al-kudimi discusses the effect of suppressing emotions and feelings of anger on health

بتقول غادة السمان “كل الذين يكتمون عواطفهم بإتقان, ينفجرون كالسيل إذا باحوا” كم مرة خبيتوا مشاعركن وموجات الغضب يلي بتعتريكن ليجي موقف بسيط ويمكن مو حرزان ويخليكن تنفجروا. هالتراكمات وخاصة من موجات الغضب الها آثار سلبية كبيرة, لهيك لازم نحاول أد ما منقدر نتجنبها. تفاصيل أكتر بتقدروا تسمعوها معي بحلقة اليوم 🙂

 

 

“كل الأوقات مناسبة لقول شيء لطيف”. بالواقع, الكلمات اللطيفة وعبارات التشجيع والتقدير ورسائل الحب بعمرها ما انمحت من ذاكرتنا. وكل ماحسينا حالنا بضيق أو تعب منحاول نسترجع كمية اللطف بكل كلمة وكل لحظة تركت عنا آثار إيجابية. الكلمات الحلوة بتعلق بالذاكرة للأبد وبتنعاد بدماغنا بدل المرة ألف. كلمات لطيفة وحلوة متل قلوبكن بحلقة اليوم 🙂

 

بكتير أوقات الحياة مابتمشي على كيفنا وبتظلمنا بمطارح معينة, بس كلمة لطيفة بآخر النهار وطبطبة من ناس أنقياء بتعطينا طاقة إيجابية وبتخفف عنا ضغوطات هالحياة, وأنا بدي اتمنالكن كل شي حلو مع نهاية هالأسبوع. وهي حلقة جديدة 🙂

 

This podcast by Wafaa Al-kudimi discusses the real conditions behind human aging and the factors that help in maintaining youth

كل حدا فينا بيحب يبقى بعمر الشباب ومايهرم أو يكبر. بس الحياة بظروفها المختلفة هي يلي بتأثر علينا وبتخلينا إما نهرم و نكبر, أو نحس حالنا عم نصغر ونرجع أكتر شباب, فنحنا منهرم مع كل غصة ووجع وألم وفقد. وبالعكس منرجع شباب وحيوية مع كل لحظة فرح وسعادة وامتنان. تفاصيل أكتر أكيد بتقدروا تسمعوها بحلقة اليوم 🙂

 

This podcast by Wafaa Al-kudimi discusses the effect of harsh blows and shocks and if they really strengthen the person

كتير بيتردد على مسامعنا أنه الضربة يلي مابتكسر الضهر بتقويه. بس ياترى أديه بتاخد معها من هالإنسان يلي تعرّض لصدمة معينة بحياته, أديه بتاخد من نفسيته, ثقته بالآخرين, ويمكن كتير شغلات تانية. تفاصيل أكتر أكيد بتقدروا تسمعوها بحلقة الليلة 🙂

 

TThis podcast by Wafaa Al-kudimi discusses the importance of not giving up to continue the path to success and overcome  obstacles

السعي بميدان وطريق النجاح أبداً مو سهل مهما بين للناس أنه الطريق واضح ومستقيم. وأكيد بيختلف من شخص لشخص. عثرات كتيرة بتعترض طريقنا, لحظات صعبة, وأوقات مؤلمة بس بيضل هدفنا أنه مانستسلم ونقدّر نجاحاتنا مهما كانت بسيطة. تفاصيل أكتر بتقدروا تسمعوها بحلقة اليوم 🙂

 

This podcast By Wafaa Al-kudimi discusses the medicine of the soul and talks about the importance of charging the soul with positive energy and its impact on health 

متل مو أجسادنا بحاجة الأكل والشرب والتغذية بشكل عام, أرواحنا بحاجة تغذيتها وشحنها بالطاقة الإيجابية والأمل يلي عنجد قادر بالنهاية تأثر على صحتنا الجسدية.لهيك منلاحظ  الناس بتحاول تلجأ لحدا يقدر يعالج روحها لو بالوهم. تفاصيل أكتر بتقدروا تسمعوها بحلقة البودكاست اليوم 🙂

 

This podcast by Wafaa Al-kudimi discusses the importance of  finding and preparing a plan for  achieving  goals with the beginning of a new year 

دائماً ومع بداية كل عام, ما منعرف شو ناطرنا أو مخبى إلنا, بس منعرف نحمل أمل وإيمان بأنه لعلَّ وعسى الجاية خير وفرح. وإن شاء الله العام منقدر نتخلص من كل آلامنا. سنة جديدة حلوة عليكن, حاملة معها كل أمانيكن 🙂

 

This podcast by Wafaa Al-kudimi discusses some ways to control the subconscious mind 

بكتير أوقات, وبشغلات وظروف منمر فيها بحياتنا اليومية, منقول جملة العقل الباطن. أحياناً منكون عم نحاول نحصر تفكيرنا ليتذكر حادثة معينة ما بيتذكرها, بس منمرق قدام شي منحسه أثر علينا ورجعنا لشعور معين, فمنقول هاد عقلنا الباطن. شو هو العقل الباطن, وكيف ممكن نتحكم فيه؟ تفاصيل هالموضوع بحلقة اليوم 🙂

 

 

This podcast by Wafaa Al-kudimi discusses the importance of enhancing humanity in building and shaping the person and its impact on building societies 

من أجمل وأروع الأعمال يلي ممكن يقوم فيها الشّخص هي بناء الإنسان. زرع المبادئ فيه, تعزيز الإنسانية داخله, ووضعه وإرشاده لنزعة الخير يلّي موجودة جواته, وأديه ممكن تأثر بالتالي على بناء مو بس شخص واحد, رح تأثر بالنهاية على بناء مجتمعات. تفاصيل أكتر أكيد بحلقة اليوم 🙂

 

This podcast by Wafaa Al-kudimi discusses the impact of positive thoughts on our destiny

ليل نهار, ووين ما كنا وكيف ما تحركّنا منضل عم نفكّر. بس يا ترى كيف عم نفكر بخير أو شر, سلبيّاً أو إيجابيّاً , كل هالشي بيأثّر علينا وحتى على مستقبلنا. وتذكروا دائماً أنه “أفكارك تجذب أقدارك.” تفاصيل أكتر أكيد بحلقة اليوم 🙂

 

 

This podcast by Wafaa Al-kudimi discusses the true happiness and talks about the happiness between psychology and philosophy 

مهما اختلفت طموحاتنا وأمنياتنا بالحياة, منبقى كلنا عم نبحث وندوّر عالسعادة. السعادة, هالكلمة الصغيرة ويلي مفهومها كتيير كبير وعميق, ويلي خلّت علماء النفس والفلاسفة يختلفوا بتعريفها. وين بتكمن السّعادة الحقيقية, كيف منحصل عليها؟ بتسمعوا الجواب أكيد بحلقة اليوم الجديدة 🙂

 

This podcast by Wafaa Al-kudimi discusses the human need to bring out the child inside them at times

مهما كبرنا بأجسادنا, بملامحنا, أو حتى بتواريخ ميلادنا, بيبقى داخل كل حدا فينا طفل بحاجة للاحتواء, للطبطبة وللحنية. خاصةً بلحظات الضعف والانكسار والاوقات الصعبة يلي منمر فيها. تفاصيل أكتر بتقدروا تسمعوها معي بحلقة اليوم 🙂

 

This podcast by Wafaa Al-kudimi discusses the importance of daily practice in any field or anything you want to be successful at, and without your first step , you can’t make your 100th

“ماتمارسه يومياً سوف تتقنه بكفاءة.”

 

 

This podcast by Wafaa Al-kudimi discusses the importance of facing our fear from the future and the significance of focusing on the present moment that we do have

بيقول الممثل المعروف جورج خباز: “الماضي مضى, والمستقبل مجهول. مافينا نغير الماضي, ولا فينا نعرف شو في بالمستقبل. نحنا ما منملك الا هاللحظة, فخلينا نعيشها بحب, بصدق, بعمق ليصير الماضي أحلى والمستقبل أحلى” تفاصيل أكتر بتقدروا تسمعوها بحلقة اليوم 🙂

 

 

This podcast by Wafaa Al-kudimi discusses the facts about self-knowledge and different natures that make up people 

الإنسان هو مو بس شكل أو عمر أو هوية, الإنسان مجموعة منوعة من المشاعر والتناقضات والاختلافات والثقافات. الإنسان مجموعة الكتب يلي قرأها أو الأغاني يلي بيحب يسمعها , أو ممكن المستقبل يلي بيحلم فيه, وكتير لحظات فرح وحزن وتناقضات … بس الأكيد أنه كل إنسان عنده شي مختلف متميز متل بصمته يلي مختلفة عن أي حدا تاني. تفاصيل أكتر بحلقة اليوم

 

This podcast by Wafaa Al-kudimi discusses the importance of believing that everything happens for a reason 

Many things, if left to our choice, we would have rejected them at the time…After a while, we discovered that the good was in them. Many things, we clung to, wished for and cried for depriving us of them, we discovered later that all good was by deprivation. Everything happens for a reason and we don’t know where exactly the good is and when its time, but we should believe that it will come!

يمكن أمور كتيرة لو انتركت لاختياراتنا لرفضناها بوقتها, بس بعد فترة منكتشف أنه كان خير. أمور تانية حبيناها وتعلقنا فيها وتمنينا كتير أنها تزبط معنا, ويمكن بكّانا كتير أنه انحرمنا منها, بس بعد فترة منكتشف أنه كل الخير كان بهالحرمان و و و…المهم نضل مآمنين أنه كل شي بيصير معنا لخير, ورح نشوف ونكتشف هالشي بنفسنا. تفاصيل أكتر بتقدروا تسمعوها معي بحلقة اليوم 🙂

 

This podcast by Wafaa Al-kudimi discusses the importance of perseverance to reach success, regardless of your age

“It’s  NEVER TOO LATE TO BE WHAT YOU HAVE BEEN”

نحنا وعم نكبر بمشوار هالحياة, ممكن نفكر انه تأخرنا أو كبرنا عن تحقيق طموح عم نسعى لنوصل له. بس الحقيقة it’s never too late. وأكبر مثال مخترع الخلطة السحرية للدجاج المقلي kfc ويلي بلش بعمر مأخّر, بس إصراره قدر يخلي يوصل للعالمية. تفاصيل أكتر بتقدروا تسمعوها بحلقة اليوم 🙂

 

This podcast by Wafaa Al-kudimi discusses human need to feel reassured and safe and its impact on the behavior

يمكن أكتر شعور بيستحق مجهودنا وبيستحق أنه ندوّر عليه هو الشعور بالأمان. الأمان هالكلمة العميقة يلي مرتبطة فينا من وقت منخلق. الأمان لمّا منتصرّف بعفوية, منضحك, منبكي, منعبر عن كل مشاعرنا بحرية بدون ما نكون خايفين من اللي معنا أو قدامنا أنه يدقق علينا كتير أو ينقدنا أو أو أو …تفاصيل أكتر بتقدروا تسمعوها بحلقة اليوم 🙂

 

 

This podcast by Wafaa Al-kudimi discusses the importance of morale-lifting and psychological support in moments of weakness or in the difficult times a person may go through 

مع حاجتنا الدائمة والمستمرة للاحتواء, أكيد منحتاج ببعض لحظات ضعفنا, سواءً جسديأً أو نفسياً, لرفع المعنويات وللدعم النفسي. وخاصةً لما منقطع بأوقات عصيبة. رفع المعنويات يلي قادر يعزز مناعتنا ويخلينا نتغلب على الأمراض وعالصعوبات, وقادر يقلب حياتنا 180درجة بشكل إيجابي متل ماقدر يحول المخترع الشهير أديسون من “متخلّف عقلياً” بنظر أستاذه, لأشهر المخترعين بسبب الدعم يلي قدمتله ياه والدته. تفاصيل أكتر بحلقة اليوم 🙂

 

 

This podcast by Wafaa Al-kudimi discusses the scientific definition of love, why do people need love and love hormone

جزء من حاجة الإنسان للاحتواء هو حاجته للحب. الحب هالكلمة الصغيرة والمؤلّفة من حرفين ويلي بتحمل معنى كتير كبير وواسع, ويلي شغلت خبراء وباحثين وكتير مختصين, ليحلل معناها كل حدا بطريقته. وأكيد كل حدا فينا بحاجة أنه يحب وينحب ليشعر بالانتماء والسعادة. تفاصيل أكتر بحلقة اليوم 🙂

 

This podcast by Wafaa Al-kudimi discusses the importance of having someone who believes in your abilities and supports you to take your first steps on the ladder of success

“Someone believed in me once. And that made all of the difference”

كل حدا فينا عنده نقاط ضعف ونقاط قوة. ممكن ببعض لحظات اليأس نفقد الإيمان بأنفسنا, ونركز بس على نقاط ضعفنا أو إخفاقاتنا ونبطل نآمن بقدراتنا, لهيك كلنا منحتاج شخص يآمن فينا, يآمن بمهاراتنا يلي منمتلكها ويساعدنا نخطي أول خطوة بطريق النجاح. لهيك نحنا دائماً لازم ننتبه عالدائرة يلي بتحيط فينا ونختار الأشخاص الصح. أكيد بتقدروا تسمعوا تفاصيل أكتر بحلقة اليوم 🙂

 

This podcast by Wafaa  Al-kudimi discusses the importance of investing life in a way that strengthens the personality and directs it to good

بفيلم غريب صدر بعام 2011 واسمه “In time” بيورجونا أنه البيبي أول ما بيخلق عمره بيكون مكتوب على إيده, ويحياة كل شخص ليقدر يعيش ويشتري يلي بده ياه, بدل ما يدفع مصاري بيدفع من عمره, وكل ما اشترى شي بينقص من عمره. القصة طوية بس…النقطة المهمة أنه ماحدا مستعد يساعد حدا تاني بشي من عمره. وحياتنا هيك ماشية كل يوم عم يمر بحلوه ومره, عم ينقص معه من عمرنا. ف ليش ما نستغل أعمارنا بالشي يلي بيقوينا وبيدعم نفسنا الوحيدة يلي رح تبقى معنا , ونحاول نفيد يلي حوالينا والمجتمع ونخلي عمرنا مليان بحب وخير. تفاصيل أكتر بتقدروا تسمعوها بحلقة اليوم 🙂

 

This podcast by Wafaa Al-kudimi discusses the effect of some factors on the real human age and their reflection on people’s faces 

“عمرك بالبطاقة غير عمرك بالمراية, غير عمرك مع حدا بتحبه, غير عمرك لما بتكون فرحان, غير عمرك وانت زعلان. جوات كل حدا فينا  عمر تاني.” بغض النظر عن العمر البيولوجي النا, أعمارنا الحقيقية الداخلية بتختلف حسب الظروف اللي عم نعيشها. اسمعوا الحلقة لتعرفوا تفاصيل أكتر 🙂

 

This podcast by Wafaa Al-kudimi discusses the impact of good that exists within us on our inner peace when we use it wisely

 بيقول أبو العتاهية: “الخير خيرٌ كاسمه     والشرُّ شرٌّ كاسمه” طول عمره الخير موجود فينا, بس بمعركة هالحياة بيتصارع الخير والشر عنا بعدة مواقف. بس نحنا لما منكون أذكياء منخلي جانبنا الخيّر ينتصر عالجانب الشرير داخلنا. لأنّه هيك نحنا عم نشتري سلامنا الداخلي النفسي, وأكيد لازم نكون مقتنعين أنه كل الخير يلي منعمله أكيد راجعلنا وبأحلى صورة.

 

. This podcast by Wafaa Al-kudimi discusses the importance of being a good listener 

“If you want to make someone happy, give him your ears before your heart”

“إذا أردت إسعاد أحدهم, أعطه قبل قلبك أذنيك”. بكل مواقف الحياة بحلوها وبمرها, بفرحها وبؤسها, دائماً منكون بحاجة شخص نفتحله قلبنا ويسمعنا ويحتوينا, بس يكون فعلاً جدير بثقتنا لنكون قدامه متل الكتاب المفتوح. وفعلاً يمكن احسن شي منقدمه لحدا لجألنا أنه نسمعه.

 

This podcast by Wafaa Al-kudimi discusses the plague of feelings (The hate) and the importance of getting rid of it

ممكن ببعض الأوقات يكون النا حق نكره شخص أذانا أو ضرنا أو جرحنا, بس صدقوني مشاعر الكراهية متل الجمرة لما منحملها بايدنا لنرميها على حدا تاني بتحرق ايدنا قبل ما توصل للطرف التاني, فخلونا ننضف قلوبنا من كل غل وكره لترجع لالنا طاقات ايجابية متجددة, ومانسمح للطرف التاني أنه ياخد أي حيز من تفكيرنا أو طاقتنا لأنه نحنا أولى بالشغلات والمشاعر الإيجابية.

 

This podcast by Wafaa Al-kudimi discusses the significance of spoken words

الكلمة يلي بتطلع من تمنا ويلي بتمثلنا, هي بأوقات بتكون مفتاح لقلوب النّاس ومحبتهن, وبأوقات تانية قادرة تكون شرارة حروب ما إلها نهاية. الإنسان لما بيبلش يحكي, وبمجرد ما يفتح تمه, بيقول للنّاس مين هو. سقراط بيقول”تكلّم حتى أراك”

 

This podcast by Wafaa Al-kudimi discusses the importance of self-knowledge and satisfaction with achievements, no matter how simple they are, as long as a person continues to try

كل انتصاراتك عظيمة مهما بدلتك بسيطة مقارنةً مع غيرك. مشوارك يلي عم تمشيه برحلة هالحياة مختلف عن مشوار غيرك, الكواليس يلي انت عايشها ماحدا بيعرف عنها شي. تأكّد انك عم تتطور ولو ببطء, طالما انت مستمر بالشغل على حالك, وتذكر مقولة الرافعي: “مقامك حيث أقمت نفسك لا حيث أقامك الناس.”

 

This podcast by Wafaa Al-kudimi talks about Nostalgia and reasons for attachment to the past with its memories and feelings.

الإنسان بطبيعته دائماً بيبحث عن الشعور بالأمان والاطمئنان, بيبحث بلحظات ألمه عن لحظات أحلى عاشها وانوجدت بالماضي يلي بيعرفه. هي هيي آلية الدفاع يلي بيستخدمها عقلنا باللحظات السيئة ليحسن المزاج ويعطينا طاقة إيجابية,  ويلي هيي عن طريق الحنين للماضي.

 

This podcast by Wafaa Al-kudimi talks about how the bitterness of loss may turns into .the ability to give and contain

مو دائماً صح أنه فاقد الشيء لايعطيه, بأوقات كتير فاقد الشيء بيعطي بكثرة, وبأوقات تانية الناس اللي عانت من مرارة الفقد, بتعطي الناس اللي حواليها كل الحنان يلّي هيي بحاجته. تحيّة كبيرة وسلام لكل اللي بيعطوا رغم حرمانهن من أشياء مادية أو معنوية وهنن بامس الحاجة الها.

 

This podcast by Wafaa Al-kudimi discusses the importance of express feelings, especially in the life of those we love and not after their death.

أديه مهم نعبّر عن مشاعرنا للنّاس يلي منحبهن ونعرّفهن أنه منحبهن بحياتهن ومانستنّى للحظات فاجعة أو مؤلمة لنقول أنه نحنا جد منحبكن.

 

This podcast by Wafaa Al-kudimi discusses self-satisfaction and the benefits of avoiding comparison with others.

 

This podcast by Wafaa Al-kudimi discusses the spatial memory (The connection .between places and our memories)

 

This podcast by Wafaa Al-kudimi discusses the importance of psychological support and kindness.

 

This podcast by Wafaa Al-kudimi discusses the importance of not regretting anything . 

 

This podcast by Wafaa Al-kudimi discusses the importance of self-love and compassion.

 

This podcast by Wafaa Al-Kudimi discusses circumstances that affect our lives.

 

This podcast by Wafaa Al-Kudimi discusses the benefits of gratitude on health.

 

This podcast by Wafaa Al-Kudimi tells ‘our story’.

 

This podcast by Wafaa Al-Kudimi discusses groups of human feelings.

 

This podcast by Wafaa Al-Kudimi discusses the definition of containment in psychology.

 

This podcast by Wafaa Al-Kudimi discusses mental health and emotional issues.